Од сета храна, Македонецот убедливо јадел најмногу леб - по 255 килограми годишно
Објавено во: Економија 31 Декември, 2020
Просечно македонско домажинство изминатата година убедливо најмногу се прехранувало со леб на трпезата - по 255,1 килограми леб, според последните податоци на Државниот завод за статистика.
Од месо, најмногу се јадело пиле со потрошени 35,9 килограми, надоврзано со 14,3 килограми пилешки стек. Свинското месо е застапено со 29 килограми.
Кај рибата најмногу се конзумирал Ослиќот, убедливо со 21,3 килограми во 2019, а свежата пастрмка е на второто место со само 1,6 килограми.
Млеко едно домаќинство конзумирало 141 литар годишно и користи 724 јајца. Ориз и грав се јадело по 29,1 , односно 23,7 килограми, а потоа следува леќа и боранија со 4,4 и 2,9 килограми.
Кај зеленчукот доминира компирот со 107,8 килограми, а кај овошјето први се лубеницата со 49,4 килограми и јаболката со 44,7 килограми.
Од благо, најмногу се јадлео наполитанки со 7,6 килограми, а мед се трошел само по 2,6 кг.
Кафе се троши по 9,3 килограми, а минерална вода се купувала по 92,7 литри.