ОД ВЛАДИНИОТ КОАЛИЦИОНЕН ПАРТНЕР ВЛЕН ГО КАЖАА ВИНОВНИКОТ ЗА ВИСОКИТЕ ЦАРИНИ ОД САД - еве кој, според нив, е одговорен

Добивај вести на Viber

Од еден од коалиционите партнери во власта, Вреди, признаваат дека земјава доби високи царини од САД, но тие го посочуваат, како што велат, „виновникот“ за овие повисоки такси. 

„Главната причина зошто Северна Македонија се соочува со повисоки такси од САД не е поврзана само со економските фактори, туку пред се со расипувањето на имиџот на државата на меѓународната сцена.

Ваквото влошување на имиџот е директен резултат на недоличното владеење и скандалите на поранешната власт, вклучително и функционери на ДУИ, кои сега се на американската црна листа, кои не се единствените со нив кои се и клеветници од македонскиот табор. Овие нечесници кои денес се заедно на американската црна листа ги обедини корупцијата во соработката за уништување на земјата.

Америка не ги зголемува таксите без причина. Пораката на Вашингтон е јасна: повеќе не можат да се толерираат корупција и злоупотреба на власта. И кои се оние кои најмногу ја нарушија довербата на западните сојузници во оваа земја? Токму оние кои две децении ги злоупотребуваа институциите и денес се кријат зад празната реторика или онаа со бесмислен национализам“, се вели во соопштението од Вреди.

Додаваат дека, наместо, како што велат, да жалат за последиците од своите постапки, поранешните функционери на ДУИ и другите треба да им се извинат на граѓаните за големата штета што ја нанеле.

„На Северна Македонија и требаат нови политики, сериозен пристап кон економијата и обнова на односите со меѓународните партнери - а не лицемерие од оние кои ја уништија оваа земја“, верлат од Влен.