Официјално: Ејуп Рустеми од „Македонска пошта“ во „Државни патишта“
Објавено во: Економија 11 Ноември, 2020
Ејуп Рустеми, доскорешниот директор на „Македонска пошта“ од вчера официјално е заведен во Централниот регистар како нов директор на ЈП „Државни патишта“ на местото на Зоран Китанов.
Китанов бил разрешен на 6 октомври, а Рустеми бил назначен четири дена подоцна. Владата не го објави ова во своите извештаи од владините седници, иако премиерот Зоран Заев претходно усно ја најави промената.
Државната поштенска компанија, која по Преспанскиот договор, експресно го промени називот во „Пошта на Северна Македонија“, е компанија монопол која во континуитет книжи загуби во своето работење.
Од друга страна „Државни патишта“ е јавно претпријатие со најголеми приходи во државата, збирајќи милионски суми од акцизи на гориво, патарина и регистрација на возила.
Инаку, за Китанов е официјално соопштено дека понатаму продолжува како извршен член на Управниот одбор на директори на Македонски телеком на предлог на Владата.