Оланд ги повика француските компании да инвестираат во Грција

Добивај вести на Viber

Францускиот претседател Франсоа Оланд изјавил во интервју за весникот „Kathimerini“ само неколку часа пред посетата на Атина дека ќе ги охрабри француските компании да започнат со активности во Грција, за да и помогнат на земјата да ја надмине финансиската криза.

Оланд изјавил дека ќе се сретне со претставници на француските компании во Грција за време на дводневната посета, за да покаже поддршка за левата влада на Алексис Ципрас, кој се обидува да ги задоволи условите за новиот спасувачки заем.

Оланд се обидува да ги поправи односите со радикалното крило на социјалистичката партија и со други левичарски групи, додека во исто време се стреми да спроведе пробизнис реформи во Франција. Една поделена левица би забележала тешки загуби на сметка на десницата и крајните десничарски партии на локалните избори во декември.

Тој силно го поддржува местото на Грција во еврозоната и драматичните напори на новата лева влада во склучувањето на новиот спасувачки заем со доверителите и покрај тешките преговори.

„Доаѓам во Атина, за да ја пренесам поддршката од Франција и да испратам порака до секој, и најмногу кон француските бизниси: Инвестирајте во Грција“, изјавил тој во интервју за весникот „Kathimerini“.

Грција мора да спроведе серија реформи, за да го заврши првиот извештај за спасувачкиот заем и рекапитализација на банките до крајот на годината, за да може да започне преговори за отпишување на долгот.

„Програмата е задолжителна, роковите се кратки, но време е Грција да ја надмине кризата еднаш засекогаш“, изјавил Оланд за весникот. „Ќе бидам таму за да им помогне, како и секогаш сум го правел на масата на преговори во Европскиот совет“.

На прашањето дали го отпишува излегувањето на Грција од еврозоната како опција, Оланд одговорил: „Да. Оваа тема припаѓа на минатото“.

Тој додава дека грчкиот народ веќе дал големи жртви, но растот ќе се врати во земјата, ако се придржува кон реформите.

Француските компании покажале интерес за грчката приватизација, голем дел од стратегијата на земјата за задоволување на условите за спасувачкиот заем.

Поделба на француската железничка компанија „SNCF Participations“ беше помеѓу избраните во тендерот за продажба на грчкиот железнички оператор „Trainose“ во 2013 година. „Alstom“ исто така, изрази интерес за купување на акции на грчкиот железнички оператор.

На Грција и е определен рок до декември за поднесување на обврзувачки понуди за двете компании.

Во меѓувреме европскиот економски комесар Пјер Московичи, изјавил дека има напредок со реформите на грчката влада и кредиторите ќе ја обезбедат следната рата за 3 милијарди евра, дел од спасувачката програма на земјата.

„Грција спроведе некои реформи и ќе им дадеме пари, вкупно 3 милијарди евра“, изјавил Московичи за радиото „Europe 1“.

„Во ноември, декември, ќе се занимаваме со прашањето за рекапитализација на грчките банки и грчкиот долг“, додал уште тој.