ОМИКРОН УРИВА РЕКОРДИ ВО ЈУЖНА АФРИКА - за еден ден регистрирани 20.000 нови случаи
Објавено во: Свет 08 Декември, 2021
Јужна Африка денеска регистрира речиси 20.000 нови случаи, што е рекордна бројка од почетокот на бранот на варијантата Омикрон од крајот на ноември, пренесе МИА.
Јужноафриканскиот национален институт за заразни болести (НИЦД) на својата Интернет страница соопшти дека денеска се регистрирани 19.842 нови случаи на Ковид, така што вкупниот број на заразени е 3.071.064 од почетокот на пандемијата.
Во последните 24 часа починале уште 36 пациенти, со што вкупниот број на починати од Ковид е 90.038.
Зголемен е и бројот на хоспитализирани за 374, па сега има 4.252 пациенти во болниците низ Јужна Африка.