OПАСНОСТ ОД ТЕРОРИЗАМ: Oва се земјите кои треба да ги избегнувате
Објавено во: Свет 24 Март, 2016
Белгија
Последниот терористички напад на Исламската држава беше изведен завчера во Брисел, каде загинаа 34 лица а над 250 беа повредени. Поради тоа, Белгија се најде на врвот на листата на земји во кои има најголема опасност од тероризам.
Франција
Oваа земја претрпи големи терористички напади минатата година. . Годината започна со нападот на редакцијата на „Шарли Ебдо“ кадешто беа убиени 12 луѓе, а подоцна беа убиени 130 луѓе за време на повеќе напади во главниот град на Франција.
Германија
Германското Министерство за внатрешни работи предупреди пред два месеци дека Германија е цел на напади од џихадисти и насилство. Се претпоставува и дека терористите би можеле и да употребат тактика на повеќекратни напади за да се создаде паника и страв како во Париз.
Велика Британија
Британците кон крајот на изминатата година го зголемија бројот на вработени во сигурносните агенции за 15%. Освен тоа, буџетот за безбедност во авионскиот сообраќај бил двојно зголемен поради заканите од исламистичките милитанти.
Холандија
Холандската полиција се сомневала за присуство на терористички организации во земјата, поради што изминатата година биле приведувани осомничени лица повеќе од порано. Експертите сметаат дека во Холандија сигурно се сместени неколку терористички групи.