ОПШТИНСКИОТ СОВЕТ ОДЛУЧИ: Венчавките ќе бидат бесплатни во Делчево
Објавено во: Македонија 24 Јули, 2019
Двојките во Делчево во иднина ќе може бесплатно да се венчаваат во новата сала во градот.
Ваква одлука донесе Советот на општината, а во иднина младите двојки од Делчево ќе може без трошок да склучуваат граѓански брак. Одлуката се однесува на закупот на салата за венчавки за која во иднина нема да се плаќа.
Ова е поддршка за младите брачни парови, велат од Општината и додаваат дека за потребите на новата сала за венчавање, набавиле нов неопходен инвентар.
Браковите ќе се склучуваат во новите простории во Спомен-домот АСНОМ, а за користење на салата, заинтересираните граѓани за оваа намена е потребно да доставуваат барања до Општина Делчево од каде ќе добијат потврда за соодветниот термин за венчавка кој ќе биде доставен до Матичната служба во Делчево.
фото Википедија