Орбан откри од кој би можел да биде победен на избори и кој му е најголем противник во Европа

Добивај вести на Viber

Неприкосновениот унгарски премиер Виктор Орбан објави дека италијанскиот министер за внатрешни работи Матео Салвини е "неговиот херој и сопатник", а како негов главен противник во Европа е францускиот претседател Емануел Macron.

Орбан по средбата во Милано додаде дека Салвини лесно би можел да победи на изборите во Унгарија, каде што "за среќа не може да учествува"

Двајцата конзервативни политичари се поддржувачи на тврдата струја во однос на мигрантите кои доаѓаат во Европа и тие меѓусебно ја потврдија согласноста на "одбраната на границите" пред имиграцијата.

"Нашата цел е да помогнеме каде што има проблеми, а не да увезуваме проблеми. Унгарија е доказ дека мигрантите можат да се запрат на копно", рече Орбан, чија земја монтираше бодликава жица низ стотици километри долж границата со Србија и Хрватска.

Тој додаде дека "целта на Салвини е да обезбеди мигрантите да се запрат на море".

Орбан го номинираше францускиот претседател Емануел Макрон како негов главен противник во Европа пред изборите на Европскиот парламент следната пролет.

"Постојат два табора во Европа и еден од нив е предводен од Макрон. Тој е во првите редови на политичките сили кои ја поддржуваат имиграцијата. Од друга страна, ние сме, тие кои сакаат да ја спречат илегалната имиграција", рече Орбан.

Запрашан за можно повлекување од Европската народна партија (ЕПП), каде што припаѓа неговата партија Фидес, Орбан изјави дека сака ЕПП првенствено "да стои на унгарската страна и на страната на народите на Европа".

"Се надевам дека овој состанок ќе биде прв во долга линија за промена на судбината на Италија, Унгарија и целиот европски континент", рече Салгини.

Според него, наскоро ќе биде потпишан договор со Германија за т.н. секундарни мигранти, оние кои се веќе регистрирани во друга европска земја.

Тој рече дека според овој договор Италија ќе биде подготвена да добие секундарни мигранти, под услов ист број мигранти да ја напуштат Италија.

Левите партии организираа протест во близина на состанокот на Орбан и Салгини.