ОРБАН ПОВТОРНО ПРЕДИЗВИКА „БУРА“ ВО БРИСЕЛ! Драстична одлука во однос на Унгарија, пристигна жестока реакција и од Будимпешта

Добивај вести на Viber

Европската комисија одлучи денеска, да го намали учеството на неформалните министерски состаноци организирани од ротирачкото претседателство во Унгарија од политичко на официјално.

Тоа имаат намера да го направат со испраќање само високи функционери, а не комесари, најави портпаролот на Комисијата Ерик Мамер.

„Во светло на неодамнешните настани што го означија почетокот на унгарското претседателство, претседателот одлучи Комисијата да биде претставена на ниво на високи функционери“, објави Ерик Мамер на Икс.

Откажана е и посетата на Будимпешта во септември. Станува збор за традиционална посета на Комисијата на главниот град на земјата која го презема ротирачкото претседателство.

Според неофицијални информации, посетата на Комисијата на Будимпешта и средбата со унгарската влада првично беа планирани на самиот почеток на овој месец кога Унгарија го презеде претседателството, но потоа беше одложена за септември. Сега и тоа е откажано.

На 5 јули, унгарскиот премиер Орбан ненајавено отпатува за Москва и се сретна со рускиот претседател Владимир Путин, како прв лидер на земја членка на ЕУ од почетокот на руската агресија врз Украина. Леташе од Москва до Пекинг.

Пред посетата на Москва, тој за прв пат го посети Киев. Своите патувања ги нарекува „мировна мисија“, а на социјалните мрежи објавува видеа од тие патувања со логото на ротирачкото претседателство, од кои може да се заклучи дека тоа го прави во име на ЕУ.

Другите членки на ЕУ и европските институции го обвинуваат Орбан за злоупотреба на ротирачкото претседателство заговарајќи „прекин на огнот“ во Украина, ставот на Русија да ја задржи окупираната територија. Напорите на Орбан се во целосна спротивност со ставот на ЕУ, која сака да ја изолира Русија и дава целосна поддршка на Украина додека се обидува да ги врати насилно одземените територии, пишува „Курир.рс“.

Неофицијално, од дипломатски извори се дознава дека се размислува за бојкот на неформалниот состанок на министрите за надворешни работи, кој е планиран за 28 и 29 август во Будимпешта, за високиот претставник на ЕУ за надворешна и безбедносна политика да свика официјална средба на тие датуми во Брисел.

Се чини дека другите европски институции и земји-членки решија да одговорат на однесувањето на Унгарија за време на претседателството со политички бојкот на неформалните состаноци организирани од унгарската влада на нејзина територија, додека идејата за отстранување на претседателството изгледа неостварлива.

Унгарија денеска ја предупреди Европската комисија дека не може да ги избира институциите и земјите-членки со кои сака да соработува, откако претседателката Урсула фон дер Лајен одлучи наместо комесари да испраќа високи претставници на состаноци во Унгарија.

„Европската унија е меѓународна организација составена од нејзини земји-членки, а Комисијата е институција на ЕУ. Таа не може да избира институции и земји-членки со кои сака да соработува“, објави унгарскиот министер за европски прашања Јанош Бока на X. прашувајќи дали „сега сите одлуки на Комисијата се засноваат на политички причини“.