Висат ваучерите за клима уреди кои ги чекаат граѓаните

Добивај вести на Viber

Поради одземањето на ингеренциите од Министерството за економија и нивното преземање од новото Министерство за енергетика, во неизвесност е исплатата на ваучерите за клима уреди за илјадници граѓани, објави Алсат ТВ..

Министерството за економија и труд ги доведе во прашање двата јавни повици за инвертер клима уреди и ваучери за туризам и сега се во дискусија од кој буџет да се платат, со оглед на тоа што од ова министерство беа одвоени секторот за енергетика и туризам. 

Овие доцнења предизвикаа нервоза кај 20 илјади граѓани кои аплицирале, а клими требаше да добијат само 8.000 од нив. Министерот за економија Бесар Дурмиши рекол дека треба да се преиспита постапката.

„Јавниот оглас беше од секторот за енергетика, кој беше во рамките на Министерството за економија, додека документите ги процесуираше и обработуваше секторот за туризам или други. Се соочивме со такви пропусти што вообичаено е потребно да се прегледаат сите документи за аплицирање и формата во која се процесуирани. Ќе видиме што ќе правиме понатаму со тие случаи, кои ги најдовме и видовме индикации за такви злоупотреби“, рече Дурмиши.

Сепак, сè уште не е познато кога ваучерите ќе бидат подигнати или дали ќе се откажат.