ОСОМНИЧЕНОТ ПУШТЕН НА СЛОБОДА: Полицијата во Берлин нема доволно докази против него!

Добивај вести на Viber

Мажот кој претходно денес е уапсен а за кој подоцна е утврдено дека не е напаѓачот од камионот е пуштен на слобода јавува берлинската полиција.

Полицијата јавува дека не нашле ниту еден доказ дека мажот од Пакистан е поврзан со инцидентот.

„Осомничениот, кој е приведен поради напад на берлинскиот божиќен саем на 19 декември, е ослободен вечерва по налог на сојузниот обвинител“, се наведува во соопштението кое го пренесоа светските медиуми.

Германските власти осомничениот го идентификувале како пакистански азилант.

„Досега направените форензичарски тестови не понудија доказ дека осомничениот бил присутен во кабината на камионот во време на злосторството“, се додава во соопштението.

Шефот на берлинската полиција претходно денес рече дека не е сигурно дека Пакистанецот кој е уапсен синоќа после нападот на камионот на божиќниот саем во Берлин, навистина го возел тој шлепер.

„Не е сигурно дека тој е возачот“, рекол шефот на полицијата Клаус Кандт и наговестил дека вистинскиот убиец на нападот можеби уште е во бегство.

Полицијата исто така соопшти дека уапсениот негира вмешаност во нападот и ги повика луѓето да бидат внимателни.

Претходно на конференција за германските медиуми, германскиот министер за внатрешни работи Томас де Мезиер рекол дека уапсениот Пакистанец е осомничен, но дека негира вмешаност во нападот во берлинскиот божиќен базар каде загинаа 12 лица и 55 се повредени.