Оставката на Јанева - лажна вест!
Објавено во: Македонија 06 Септември, 2019
Веста за поднесената оставка од Катица Јанева е можно да прерасне во новинарска патка, затоа што не постои писмо од специјалната обвинителка кое пристигнало во Кривичниот суд.
Писмото во кое таа би известила треба да пристигне во судот за истото да биде препратено до Советот за јавни обвинители, објави „360 Степени“, така што најверојатно се работи за пласирана дезинформација.
Покрај од Кривичниот суд, информација за такво писмо немаат ниту од Советот за јавни обвинители, ниту во истражниот затвор во Шутка, каде што Јанева е во притвор за аферата „Рекет“.
Од таму велат дека и не е логично Јанева сега да поднесува оставка, кога се знае дека и таа процедура треба да мине кај Советот за јавни обвинители, нешто што и во моментов се одвива.