Откриено наоѓалиште на нафта кај лондонски аеродром
Објавено во: Економија 10 Април, 2015
Компанијата UK Oil & Gas Investments (UKOG) вчера објави дека недалку од лондонското воздушно пристаниште Gatwick открила 100 милијарди барели нафта, наоѓалиште од „светска класа“.
„Мислиме дека пронајдовме многу значајно наоѓалиште, можеби и најголемото на британското тло во последните 30 години и сметаме дека тоа е од национална важност“, рекол извршниот директор на UKOG Стефан Сандресон, пренесуваат светските агенции.
Иако се проценува дека од тоа наоѓалиште би можело да биде исцрпено само помеѓу 3 и 15 одсто од вкупните залихи, се работи за голем потенцијал.
За споредба, од Северното море се извлечени вкупно 42 милијарди барели нафта од кога во 1964 година се доделни првите лиценци.
UKOG соопшти дека за искористување на тоа ново откриено наоѓалиште во Сари не би било потребно фракирање, контроверзната техника на црпење нафта која ширум светот на нозе ги крена здруженијата за заштита на животната средина. Во Британија е дозволено фракирање, но со некои ограничувања.