ОТП Банка Хрватска со унгарски капитал ја презеде Сплитска банка

Добивај вести на Viber

Големо поместување на банкарскиот сектор во Хрватска се реализираше откако ОТП Банка Хрватска во која има унгарски удел целосно го презеде сопствеништвото врз Сплитска банка. Со овој потег ќе се создаде нов банкарски ентитет кој ќе биде четврт по големина во Хрватска со пазарно учество од 11%. 

Информацијата свечено беше презентирана од страна на претставници на ОТП Банка Хрватска, ОТП Банка Унгарија и Сплитска банка кои ги коментираа претстојните предизвици од спојувањето како и идниот раст.

„Изразуваме топло добредојде на Сплитска банка како вреден нов член на ОТП групацијата. Идната банка која ќе продолжи по спојувањето ќе биде втора по големина бана според кредитирање. Оваа трансакција покажува дека имаме долгорочна и сериозна посветеност на хрватскиот пазар, на кој планираме раст како органски тако и со можни идни аквизиции“, изјави др. Сандор Цануи, претседател на управата и главен директор на унгарската ОТП банка.

Преземањето на Сплитска банка било извршено изминатиот месец од страна на ОТП Банка Хрватска, а потоа и одобрено од Народната банка на Хрватска како и сродните државни регулаторни тела.