Падна одлуката – ќе никне огромен крст во Аеродром!

Добивај вести на Viber

Советниците во општина Аеродром одлучија , ќе се гради 33 метарски крст на раскрсницата на булеварот Србија и Трета македонска ударна бригада. Одлуката ја изгласаа советниците од владејачката партија додека тие од СДСМ беа воздржани во однос на иницијативата на Светскиот македонски конгрес (СМК) за изградба на овој крст. Со оваа одлука општината всушност го отстапи просторот за изградба на „времен објект со културна и верска содржина“. Според планот, крстот ќе го гради  Светскиот македонски конгрес на чело со Тодор Петров, а преку донации. Кога ќе биде готов, ќе и биде даден на општината. Иницијативата беше дадена во општина Аеродром, а како што стои во соопштението од Конгресот локацијата е намерно избрана за да може крстот да се гледа во три општини, Газа Баба, Аеродром и Кисела Вода. Главниот проект пак до општината ќе биде доставен до крајот на 2013 година, а по добиеното одобрение, крстото ќе се монтира за 2 месеци. „Крстот ќе биде монтажен, висок 33 метри, колку што години живеел Исус Христ до неговото воскресение”, стои во соопштението на Светскиот македонски конгресод каде велат дека крстот не е антиисламски симбол, туку дел од културата на Македонија.