ПАЃА УШТЕ ЕДНО ЛЕГЛО НА ЏИХАДИСТИТЕ: Силите на Асад влегоа во Палмира!
Објавено во: Свет 24 Март, 2016
Сириските воени и полициски сили објавија дека ги потиснале борците на Исламска држава во областа на северна Палмира, каде се наоѓа најголем број на хотели во градот.
Терористите на Исламска држава се повлекуваат во центарот на градот, се наведува во извештајот на РИА Новости.
Гувернерот на провинцијата Хомс Талал Ал Барази рекол за АП дека војската би можела целосно да го ослободи градот за 48 часа.
Палмира, историски значајниот град на Сирија, го зазедоа џихадистите на ИД во мај лани. Тие уништиле бројни храмови и споменици кои беа под заштита на УНЕСКО и ограбија мошти стари илјадници години.
Дамаск беше во состојба да покрене офанзива како би го повратил пустинскиот град на истокот на земјата откако поради примирјето со опозициските групи, со посредство на САД и Русија, биле во можност дел од силите да ги пренасочат на терористите.
Војската стигнала во предградието на Палмира во средата после превземање на контрола над околните подрачја со помош на воздушна поддршка на сириски и руски авиони.