ПЦЕР: Исмаиловски не е кандидат за министер
Објавено во: Македонија 04 Ноември, 2018
Раководството на ПЦЕР го демантира текстот на Фактор со наслов „Во текот на наредната недела ќе се знае името на новиот министер без ресор задолжен за имплементација на стратегијата на ромите во РМ“.
Демантот го објавуваме во целост:
„Во врска со текстот што е објавен на вашата интернет страница денес, ние од раководството на ПЦЕР експлицитно ги демантираме вашите шпекулации за лицето Алан Исмаиловски како кандидат за извршување на позицијата Министер без ресор за имплементација на стратегијата на Ромите во Р.М.
Информациите за смена на актуелниот министер Аксел Ахмедовски, се точни. И се донесени заеднички со претседателот Самка Ибраимоски.
Во моментов не сакаме да објавиме кој е нашиот кандидат, наредната недела кога ќе бидеме спремни, ќе повикаме прес конференција и истите информации ќе бидат пренесени официјално до сите медиуми во државата.
Ние од ПЦЕР не знаеме од каде ги добивате вашите информации, но истите се целосно неточни, особата кој вие ја наведовте како најсериозен кандидат воопшто не е ни член на нашата партија, ниту пак беше дел од тесниот избор за позицијата“, стои во реакцијата на партијата ПЦЕР.