„Пелистер“ Битола за повеќе од 6 милиони евра ќе откопува јаглен во РЕК Битола
Објавено во: Економија 26 Јули, 2018
АД Електрани на Македонија - Скопје по распишаниот тендер за ископ на јаглен и јаловина во ПЕ
Рудници, РЕК Битола склучи договор со друштвото за градежништво и услуги „Пелистер“ Битола ДОО во
вредност од 377.600.000 денари со вклучен ДДВ.
Главен критериум за доделување на договорот беше најниската цена.
Банкарската гаранција на „Пелистер“ Битола дека ќе го изврши договорот изнесува 48 милиони денари.
Договорот трае до целосно исцрпување на финансиската рамка, но не подолго од 12 месеци.
За седум месеци треба да се ископаат 646.740 тони јаглен.
Од опремата, „Пелистер“ Битола доставува багери, теренски возила, утоварни лопати, булдожери, дробилки, цистерни, цевки и пумпи, а од кадар обезбедува инжењери, возачи и ракувачи.
Се грижи за товарење, дробење, откопување, транспорт и мерење на јагленот, како и за одржување на патиштата и за чување на својата опрема и обезбедување на навремени плати за работниците