ПЕНДАРОВСКИ ОДИ ВО ГЛАЗГОВ: Во следните два дена нема да дава нов премиерски мандат
Објавено во: Македонија 01 Ноември, 2021
Претседателот Стево Пендаровски, денеска и утре – 1 и 2 ноември 2021 година, понеделник и вторник, во Глазгов, Обединетото Кралство на Велика Британија и Северна Ирска, ќе учествува на Светскиот лидерски самит во рамки на Конференцијата за климатски промени на Обединетите Нации (COP26), соопштија од кабинетот на претседателот.
„Претседателот Пендаровски ќе присуствува на отворањето на самитот и ќе се обрати на пленарната сесија на собирот, а ќе присуствува и на приемот што за лидерите учесници на самитот ќе го приреди премиерот на Обединетото Кралство, Борис Џонсон. Претседателот Пендаровски ќе присуствува на настанот со кој ќе се означи почетокот на глобалната заложба за метан, како иницијатива на претседателот на САД, Џозеф Бајден и претседателката на Европската Комисија, Урсула фон дер Лејен, како и на лидерскиот настан „Акција и солидарност – критичната деценија“, во организација на премиерот на Обединетото Кралство, Борис Џонсон, стои во објавата.
Инаку претседателот Пендаровски има клучна улога во државата сега по новиот развој на насатните на политичката сцена а откако Зоран Заев поднесе оставка од функцијата премиер на државата. Откако ќе ја поднесе до Собранието има повеќе опции, а тоа е на досегашната владејачка коалиција која ако го потврди мнозинството, може повторно да им додели нов мандат за формирање Влада. Тоа може да е човек од СДСМ или од коалицијата.
Ако се формира ново мнизниство тогаш Пендаровски ќе го даде мандатот кон оваа коалиција.