Пендаровски вели дека лани во ноември имале информации за инвазијата
Објавено во: Македонија 02 Март, 2022
Шефот на државата, Стево Пендаровски во вечерашното гостување на Сител ТВ изјави дека Македонија уште на 5 ноември лани имала информации за инвазијата на Русија врз Украина.
„Првите потврдени сознанија дека Русија подготвува инвазија на Украина на цела територија, ние како што сме овластени преку НАТО механизмите ги добивме на 5 ноември минатата година. Она што е запрепастувачки е тоа што беше предвидено во однос на времето на напад промашувањето беше само за 3 дена, пред четири месеци прогнозата, а во однос на обемот на операцијата дека ќе се напаѓа баш од овие три четири магистрални правци немаше никакво промашување. Тоа е огромен бенефит пред време да знаете да се позиционирате“, рече претседателот Пендаровски.
На 24 февруари Русија ја нападна Украина. Веќе седум дена има војна во Украина. Досега загинаа над 2.000 цивили.