21 Октомври, 2019
0.0226

Пензискиот фонд порано ги пуштил вработените, директорот вели - ако треба ќе се заврши работата

Објавено во: Македонија 10 Октомври, 2019

Претпразничната атмосфера и продолжениот викенд изгледа ги зафати и многу од државните институции. Некои од нив, односно нивните раководни лица, уште денеска, порано пуштиле дел од своите вработени од работа, со образложение дека е празник и заслужиле порано да си одат дома. 

Но, тоа и не би било толку голем проблем, доколку овие институции не работат со граѓани и компании, на кои им се потребни нивните услуги. А од друга страна, сите даночни обврзници плаќаат даноци и придонеси, од кои потоа се алиментираат и платите на вработените во државните институции.

Една таква државна институција за која дозна Фактор, е Фондот за пензиско и инвалидско осигурување. Според поплаки кои ги добивме од вработени во компании кои денеска во 13.30 часот отишле да завршат некоја работа на шалтерите на Пензискиот фонд, таму им рекле дека тоа не можат да го сторат денеска, од причина што сите вработени од шалтерите си заминале дома, бидејќи ги пуштиле порано од работа поради празникот. 

Револтираните граѓани велат дека ова е недозволиво, институцијата да не работи во текот на работното време, без разлика што раководството решило да биде великодушно и да ги почести вработените со неколку слободни часови.

Фактор оваа информација ја провери кај директорот на Фондот за ПИОМ, Шаип Зејнели. Тој за Фактор изјави дека некои од вработените навистина се пуштени порано, но не е точно дека шалтерите на ПИОМ биле затворени.

„Вистина е дека некои вработени се пуштени порано, но не е точно дека се е затворено. Еве, ако некому му е потреба услуга од Фондот за ПИОМ, дајте му го мојот телефонски број, јас ви гарантирам дека работата ќе биде завршена“, вели за Фактор Шаип Зејнели, директор на Фондот за ПИОМ. 

Зејнели му се заблагодари на Фактор што оваа информација ја проверил кај него, и тој добил можност да ја демантира.

А токму „ажурноста“ на јавнјата администрација деновиве беше предмет на дискусија, кога од министерот за информатичко општетство и администрација, Дамјан Манчевски потекна идејата дел од административците да бидат префрлени во приватниот сектор, како дел од планираната реформа на администрацијата. На ова приватните компании бурно негодуваа, со образложение дека нив им требаат вредни работници. Дел од бизнисот ги праша владините функционери што имаат приватни компании, дали таму би ги вработиле, како што некои ги нарекоа, мрзливите административци. 

Интересно би било да се слушне што на ваквото однесување на вработени во Фондот за ПИОМ ќе има да искоментира министерот Манчевски.

( Н.Н.Ф.)


Можеби ќе ве интересира

Коалицијата на Мицкоски доби ново име

Коалицијата на Мицкоски доби ново име

ФОКУС НА ДЕНОТ: Се сумираат впечатоците од лидерската, попис ќе нема во април

ФОКУС НА ДЕНОТ: Се сумираат впечатоците од лидерската, попис ќе нема во април

ПОРАКА ОД СОФИЈА ДО МАКРОН: Граѓаните извикуваа „Бугарија и Македонија под едно небо”

ПОРАКА ОД СОФИЈА ДО МАКРОН: Граѓаните извикуваа „Бугарија и Македонија под едно небо”

ЃУЛИСТАНА МАРКОВСКА: Прав пат ни е доколку ЕУ реши да ни направи мониторинг

ЃУЛИСТАНА МАРКОВСКА: Прав пат ни е доколку ЕУ реши да ни направи мониторинг

ОЈО: Обвинителот во случајот „Тамара“ побарал изземање

ОЈО: Обвинителот во случајот „Тамара“ побарал изземање

ЗАЕВ Е ПОКАНЕТ ВО РИМ: Џузепе Конте бара да добиеме датум идниот месец

ЗАЕВ Е ПОКАНЕТ ВО РИМ: Џузепе Конте бара да добиеме датум идниот месец

МИЛОШОСКИ: Има три комплицирани начини за враќање на името

МИЛОШОСКИ: Има три комплицирани начини за враќање на името

ГРЦИЈА ЌЕ БИДЕ НА ШТРЕК: Ги засега Договорот од Преспа и случувањата кај нас

ГРЦИЈА ЌЕ БИДЕ НА ШТРЕК: Ги засега Договорот од Преспа и случувањата кај нас

Се судрија мотори кај Градежен факултет

Се судрија мотори кај Градежен факултет