Плаќањето со биткоин зема сериозен замав во Бугарија

Добивај вести на Viber

Плаќањето со биткоин зема сериозен замав во Бугарија. Корисниците можат да откријат редица објекти во земјата кои ја прифаќаат електронска валута за легитимно платежно средство. Екоселиште до тројанското село Горно Трапани, ресторан во Софија, продавница за осветлување, фирма, како за хостинг, така и за облачни услуги, туроператорски агенции, преведувачка агенција во Варна и онлајн продавницата за сувенири, официјално го прифаќаат биткоинот, посочувајќи референца на сајтот coinmap.org . , направена од Стандард. Со сигурност може да се каже дека објектите во земјата кои ја прифаќаат електронска валута, се многу повеќе на број. Уште во почетокот на минатата година, најголемиот портал во Бугарија за споделен шопинг, вгради во платформата можност за плаќање со електронска валута. Само по себе тоа значи дека со биткоини во Бугарија може да се плати за огромна палета на стоки и услуги - од еротска долна облека до возачки курсеви. Цената на еден биткоин се менува во реално време и речиси секоја минута, валутата има различен курс. Пред крајот на петочната трговија, еден биткоин се тргуваше по цена меѓу 1100 и 1250 левови. Во светот, повеќето големи платформи за онлајн трговија , или веќе го вклучиле плаќањето со електронска валута , или во секој момент ќе го сторат тоа. Тоа се прашуваат во моментов и луѓето кои стојат зад глобалниот портал за онлајн трговија ebay . Треба да се напомене дека плаќањето со биткоин се уште не „завладеало“ светот , но брзината на пенетрација на електронската валута во секојдневниот живот е импресивна. Засега повеќето трговци кои прифаќаат плаќања со електронска валута , го прават тоа поради маркетинг ефектот, вели сопственик на IT компанија , кој побарал да остане анонимен . Според неговите зборови, откако трговците ќе прифатат плаќање со биткоин, тие веднаш го претвораат во традиционална валута.   А.А.