Пленковиќ го кажа својот став за нон пејперот на Јанша

Добивај вести на Viber

Хрватска ни формално, ни неформално не го добила наводниот нон пејпер од словенечкиот премиер Јанез Јанша. 

Oва го тврди премиерот на Хрватска, Андреј Пленковиќ. Тој додал дека ниту еден сегмент од хрватскиот систем, според информациите со кои располага, тој документ од никого го нема добиено, било формално или неформално, пренесува Танјуг.

Не постои никаков документ, па ниту „нон-пејпер“ со кој Словенија би ги заговарала промените на границите на Балканот, е пораката која денеска словенечкиот премиер Јанез Јанша ја пренесе на членот на Претседателството на БиХ, Шефик Џаферовиќ.

Сепак, медиуми во регионот објавија дека имало таков нон пејпер. 

Според содржината нон-пејперот сегашната ситуација на просторот на бивша Југославија покажува дека за Србија и Косово не можат да се замислат европски перспективи, членството на БиХ во ЕУ е исклучено, а празниот простор го користи Турција која го зголемува влијанието во БиХ и Македонија. 

Предлозите во нон пеjперот се следни:

- Обединување на Косово и Албанија, српскиот дел на Косово ќе добие специјален статус

- Обединување на поголемиот дел од територијата на Република Српска со Србија 

- Спојување на повеќето хрватски кантони во БиХ со Хрватска

- Формирање на независна држава на Бошњаците