По четири дена, конечно расчистени превртените вагони
Објавено во: Македонија 06 Јули, 2019
По повеќе од четири дена конечно е нормализиран железничкиот сообраќај на Коридорот 10 на релацијата Скопје – Куманово, по излетувањето на товарен воз рано наутро во средата кај селото Черкези.
Превртени неколку вагони, а беше причинета само материјална штета. Неофицијално, причината е неправилно товарење на челикот за транспортирање, но засега не се познати во јавноста утврдените причини за тоа.
-Екипите на ЈП за железничка инфраструктура Железници на Република Северна Македонија по остранувањето на вагоните беа максимално мобилизирани и работеа до утринските часови со што во целост ја санираа пругата и ја оспособија за нормално одвивање на железничкиот сообраќај, се вели во соопштението од Македонски железници.
Прво требаше да се растоваран превртените вагони, а потоа истите да се одвојат о возот и да се транспортираат со камиони.