Добивај вести на Viber
Со помошник командирот на ПС Беко Игор Петровски вчеравечер бевме во Дебар Маало каде затекнавме групи на млади луѓе кои се дружат, напиша на фејсбук градоначалникот на Центар, Горан Герасимовски.
„Оваа средба беше поради групната тепачка која се случи во петокот. Во разговор тој ме информираше дека полициски службеници патролираат на неколку локации но ги нема секаде. Полицијата не може да ја спречи секоја тепачка ако за нејзините последици не бидат свесни оние кои ја предизвикале.
Затоа, апелирам до родителите да им укажат на децата какви последици може да донесат тепачките и да ги воспитуваат децата во духот на меѓусебната почит и вредноста на животот на секој поединец.
Воедно, упатувам апел и до младите - бидете разумни затоа што повредата може да се нанесе за миг но последиците може да траат цел живот.
Ве повикувам и вас граѓани, пријавувајте го секое насилство кое ќе го забележите.
Да делуваме заедно, ова е заеднички проблем!“, напиша на својот официјален фејсбук профил градоначалникот на Центар, Горан Герасимовски.
Помошник командирот Петровски го известил Герасимовски дека неколку полициски службеници патролираат на неколку точки во општината но за да се интензивираат патролите и да се зголеми бројноста на полициските службеници потребно е општината да поднесе иницијатива до Министерството за внатрешни работи.