По разорниот земјотрес Австријците бараат затворање на Кршко, а Словенците се против

Добивај вести на Viber

Австрија повторно бара затворање на нуклеарната централа Кршко. 

Силниот земјотрес од 6.2 степени кој вчера ја погоди Хрватска е повод за австриските политичари да побараат затворање на нуклеарната централа Кршко во Словенија.

„Централата постои од 1981 година и е проектирана да работи најмногу 40 години. Поради тоа мора најдоцна до 2023 година да биде затворена. Не смееме да гледаме со скрстени раце продолжување на работата“, изјави секретарката за екологија на австриската покраина Штаерска, Урсула Лајнер

Таа додаде дека вчерашниот земјотрес уште еднаш покажал дека Кршко треба да се затвори. И покрај бројните разговори и барања на Австрија, Словенија не сака да ја исклучи Кршко.

По вчерашниот земјотрес Кршко беше превентивно исклучена. Директорот на Кршко, Стане Рожман синоќа изјави дека не се утврдени никакви оштетувања на словенечката нуклеарна централа Кршко и нема никакво влијание врз околината. Тој најави дека Кршко набрзо ќе почне нормално да работи, истакнувајќи оти е изградена да биде отпорна на многу посилни земјотреси. Безбедноста на Кршко е дополнително зајакната по несреќата во нуклеарката Фукушима во 2011 година, а во случај евентуален потрес да ја загрози работата на словенечката нуклеарка таа би можела рачно или автоматски да се исклучи во рок од неколку секунди.

Петриња ден по земјотресот изгледа како град на духови. Со багери и механизација се расчистува теренот.