Почина една од жените, повредени во експлозијата на аеродромот во Истанбул
Објавено во: Балкан 23 Декември, 2015
Едната од работничките повредени во експлозијата на истанбулскиот аеродром „Сабиха Ѓокчен“ починала, објавија локалните медиуми.
Гувернерот на Истанбул, Васип Шахин, потврди дека сé уште не е позната причината за инцидентот. „Истрагата продолжува“, рекол Шахин во кусата изјава за медиумите.
Повредени се две чистачки, кои се наоѓале до еден од авионите, тие биле однесени во болница. Полицијата ги разгледува сите можни верзии, вклучувајќи и терористички акт.
Мерките за безбедност на аеродромот се засилени, на местото на несреќата работи полицијата, засилена е транспортната контрола во реонот на аеродромот, но нема застој на летовите.