Полнете резервоари, од полноќ цените на нафтени деривати растат
Објавено во: Економија 04 Февруари, 2019
Нови цени на нафтените деривати од ноќеска на полноќ ќе бидат поскапи.
Ова го соопшти регулаторната комисија која одлучи од половина до денар иполовина да бидат зголемени цените на дериватите.
Согласно таа одлука, од полноќ, возачите ќе точат Еуросупер БС-98 по цени од 63,50 денари за литар а тоа значи дека неговата цена се зголемува за 0,50 денари за литар и
За еден денар поскапо ќе се продава Еуросупер БС-95 и Екстра лесното масло. Така, малопродажната цена на Еуросупер БС-95 ќе биде 62 ден/лит, а на Екстра лесното масло за домаќинство 48,50 ден/лит.
Дизелот бележи раст на цените за 1,50 ден/лит во однос на цената утврдена пред две недели што значи дека од полноќ новата цена на дизелот ќе биде 60 ден/лит а расте и цената на мазутот за 1,599 ден/кг и ќе изнесува 31,121 ден/кг.