Половина од Македонците на Фејсбук седат барем по три часа на ден

Добивај вести на Viber

Околу половина, односно 44% од македонските корисници поминуваат по најмалку три часа дневно на Фејсбук. ова го покажа првото сеопфатно истражување за ставовите и однесувањето на македонските корисници на оваа социјална мрежа. Според истражувањето, дури 60% од македонските корисници сметаат дека премногу време поминуваат тука. Сепак  само 22,5% размислуваат да се откажат од користењето на истата. „Податоци кои ги добивме веруваме дека ќе им помогнат на компаниите, професионалците и организациите подобро да ги позиционираат своите стратегии за промоција на Фејсбук“, изјави Никола Спасов, од агенцијата Рејтинг, која заедно со Њумедиа.мк го спроведе онлајн истражувањето. Целосните резултати ќе бидат презентирани во рамки на AllWeb, конференцијата за интернет маркетинг и онлајн ПР што ќе се одржи на 15 овој месец во Скопје. Годинава темата на AllWeb ќе биде интегрирани комуникации, а фокусот ќе биде ставен на интегриран маркетинг, мерење и анализа на социјални медиуми и онлајн односи со јавноста.