23 Октомври, 2019
0.0183

Помеѓу 83 и 94 отсто од ранливите ромски семејства на Западен Балкан се материјално обесправени

Објавено во: Балкан 11 Јули, 2019

Податоците покажуваат сериозна материјална обесправеност кај 83-94 проценти од ранливите ромски семејства во целиот регион на Западен Балкан (ЗБ), соопшти Регионалниот совет за соработка (РСС).

Потсетувајќи на минатонеделната Декларација за интеграција на Ромите усвоена на самитот на ЗБ во Познањ, а на иницијатива на Република Северна Македонија, РСС предупредува дека таа декларација не смее да остане само парче хартија.

РСС наведува дека „најновите извештаи покажуваат дека бројот на девојчиња и момчиња Роми кои посетуваат задолжително основно образование се зголемил во изминатите десет години, но сепак, посетувањето на средно училиште е на многу пониско ниво“.

„Процентот на младите лица (18-24 години) кои што не се вработени, ниту се вклучени во образованието или обуката е висок, од 73 во Србија до 86 проценти во Босна и Херцеговина. Кај младите жени овој процент се движи помеѓу 81 (Република Северна Македонија) и 93 проценти (Црна Гора). Бројките покажуваат дека Ромите имаат помала веројатност за пристап до здравствена заштита во споредба со соседите кои не се Роми. Многу ромски населби не се поврзани на водоводната мрежа, почнувајќи од 10 проценти во Република Северна Македонија, па сé до повеќе од половина од ромската популација во Албанија.“

Во Декларацијата на партнерите од Западен Балкан за интеграција на Ромите во рамките на процесот на проширување на ЕУ, која се усвои на Самитот на Западен Балкан во Познањ, е утврдено дека економиите од Западен Балкан настојуваат да постигнат зголемување на вработеноста, легализација на домувањето каде што е можно, зголемена стапка на завршување на основното и средното образование, стапка на покриеност со здравствено осигурување и регистрација во матичната евиденција на сите Роми, како и да ја продолжат борбата против дискриминацијата кон Ромите, наведува РСС.

Проектот за интеграција на Ромите на Регионалниот совет за соработка, финансиран од Европската унија и Фондацијата Отворено општество, го олесни процесот на одобрување на оваа Декларација, која беше иницирана од Владата на Република Северна Македонија. 


Можеби ќе ве интересира

ПО ФРАНЦУСКОТО ВЕТО ЗА МАКЕДОНИЈА: Дали српските граѓани ќе се обесхрабрат?

ПО ФРАНЦУСКОТО ВЕТО ЗА МАКЕДОНИЈА: Дали српските граѓани ќе се обесхрабрат?

Варвициотис: Заев постојано се закануваше дека ќе поднесе оставка

Варвициотис: Заев постојано се закануваше дека ќе поднесе оставка

ПОРАКА ОД СОФИЈА ДО МАКРОН: Граѓаните извикуваа „Бугарија и Македонија под едно небо”

ПОРАКА ОД СОФИЈА ДО МАКРОН: Граѓаните извикуваа „Бугарија и Македонија под едно небо”

(ВИДЕО) ЖЕНА ГО НАВРЕДУВАШЕ ЦИПРАС ПРИ ЛЕТ ВО АВИОН: Му порача дека местото му било в затвор

(ВИДЕО) ЖЕНА ГО НАВРЕДУВАШЕ ЦИПРАС ПРИ ЛЕТ ВО АВИОН: Му порача дека местото му било в затвор

ГРЦИЈА ЌЕ БИДЕ НА ШТРЕК: Ги засега Договорот од Преспа и случувањата кај нас

ГРЦИЈА ЌЕ БИДЕ НА ШТРЕК: Ги засега Договорот од Преспа и случувањата кај нас

Курти: Одлуката на ЕУ за Македонија и Албанија е штетна за дијалогот Белград-Приштина

Курти: Одлуката на ЕУ за Македонија и Албанија е штетна за дијалогот Белград-Приштина

Ангел Димитров: Одлуката за нови избори во Северна Македонија е изненадувачка

Ангел Димитров: Одлуката за нови избори во Северна Македонија е изненадувачка

Макрон следниот месец во Скопје и Тирана?

Макрон следниот месец во Скопје и Тирана?

Ципрас: Мицотакис ништо не превзеде за Северна Македонија

Ципрас: Мицотакис ништо не превзеде за Северна Македонија