ПОРАДИ НЕМАРНОСТ ИЛИ ПОРАДИ РАСКИНУВАЊЕ НА ДОГОВОРИТЕ: Дел од општините се останати кај крајниот снабдувач, РКЕ прави анализи како може да им се излезе во пресрет
Објавено во: Економија 19 Февруари, 2022
Претседателот на
РКЕ, Марко Бислимоски во емисијата „Стадион” на Канал 77 изјави
дека најголем број од општините и јавните комунални претпријатија набавуваат
електрична енергија на слободниот пазар, а РКЕ прави анализи како може да им се
излезе во пресрет.
-Но, за жал, имаме детектирано дека дел од општините се останати кај крајниот снабдувач што е 50 отсто од берзата хупекс – некои поради немарност, некои поради тоа што снабдувачите им ги раскинале договорите. Малите општини или помалите јавни претпријатија се на регулираниот пазар и кај нив состојбата е стабилна, истакна Бислимоски.
Тој нагласи дека пробелмот со кој се соочуваат општините е кај јавните комунални претпријатија кои мора да си ја зголемат ефикасноста.
-Анализите што ги прави РКЕ, без да посочувам во која општина, во едно комунално претпријатие се гледа дека има 550 вработени, а еден кориснички центар на ЕВН на поголема територија работи со 50 луѓе. Јавните комунални претпријтија не се ефикасни и се превработени, најголем број од трошоците одат на плати, рече претседателот на РКЕ.