Поради убиство во Белгија уапсен Албански пратеник
Објавено во: Балкан 02 Април, 2015
Албанската полиција уапси пратеник осуден во Белгија во отсуство за убиство во 1999 година, што го отвори патот за негова екстрадиција во Брисел.
Парламентот веќе му го одземал имунитетот на Марк Фроку, претставник на малата Демохристијанската партија, која е во сојуз со владејачките социјалисти.
Според албанското обвинителство „Белгија издала меѓународна потерница за апсење на Марк Фроку осуден со уште тројца Албанци за убиство со умисла на нивен сонародник во 1999 година во Брисел“.
Во јануари 2010 година во бриселскиот суд биле осудени четворицата во отсуство на 10 години затвор.
Обвинението се смета дека убиството на Александар Курти во Брисел во 1999 година е поврзано со ривалството помеѓу криминалните групи кои се занимаваат со трговија со луѓе.
Процесот против Фроку се очекува да започне повторно во октомври. „Не сум учествувал во вакво кривично дело. Тогаш не бев во Белгија. Овие обвинувања се лажни“, изјавил Фроку во парламентот, кога се дискутираше за одземање на имунитетот.