Потрес со јачина од 7.3 степени ја погоди Јапонија
Објавено во: Свет 22 Ноември, 2016
Земјотрес со јачина од 7.3 степени го погоди источниот брег на Јапонија.
Властите издадоа предупредување за цунами, пренесоа светските агенции.
Според јапонската метеоролошка агенција потресот е регистриран во 5 часот и 59 минути.
ТАСС соопшти дека 3-метарски бран цунами се движи кон јапонската префектура Фукушима по земјотресот.
Упатен е повик до локалните жители веднаш да го напуштат крајбрежјето.
Геофизичкиот институт на САД соопшти дека земјотресот со интензитет од 7.3 степени е регистриран на 67 километри североисточно од префектурата Фукушима, на длабочина од 10 километри.