ПОЗНАТА ЛОКАЦИЈАТА ВО СРБИЈА КАДЕ ЌЕ СЕ ПРОИЗВЕДУВА СИНОФАРМ: Месечно производство од два милиони вакцини
Објавено во: Балкан 12 Јуни, 2021
Дирекцијата за
градежно земјиште и изградба на Белград ја одреди локацијата за кинеската
фабрика за вакцини „Синофарм“ во рамките на економската зона „Аутопут“, во
близина на Земун Полје.
Фабриката, во која прво ќе биде спакувана вакцината „Синофарм“, а подоцна и произведена, ќе биде заедничка инвестиција на Србија, Кина и Обединетите Арапски Емирати. Предвидена е и фабрика за производство на ПЦР-тестови. За фабриката што ќе се гради според системот „клуч на рака“, српската страна ќе обезбеди земјиште и инфраструктура.
Планираното месечно производство е два милиони дози на вакцини месечно, а оваа инвестиција, како што наведуваат српските медиуми ќе обезбеди доволни количини на Синофарм, не само за Србија, туку и за регионот.
FOTO: GO ZEMUN / GRAD BEOGRAD