21 Април, 2021
0.0225

Прашавме Македонци, Албанци, Роми што мислат за вработување во приватен сектор по етнички клуч?

Објавено во: Македонија 08 Март, 2021

Повеќето Македонци се против вработување во приватен сектор по етнички клуч, а кај помалите етнички заедници мислењата се поделени. Некои се за, а други против. Едни мислат дека тоа ќе биде добро, други дека е штетно, и дека ќе придонесе квалитетните кадри уште помасовно да си заминуваат од Македонија.

Но, сите се согласуваат дека и во државниот, а и во приватниот сектор сакаат да наидат на компетентни работници кои си ја знаат работата, а со тоа да добијат и добра услуга.

„Не треба врз основа на националност да се вработуваат луѓето, туку кој како е способен и образован“, вели Елма Шефкети, граѓанка.

Но, друга повозрасна граѓанка од албанска националноста смета дека е добро да има квоти и за приватни компании.

„Тоа е во ред, треба да се субвенционира. Оние кои ќе работат ќе дадат максимум од себе“, смета таа.

Моме Бошковски, повозрасен граѓанин вели дека тоа што се отвора ваква тема во општеството не е чудно, но не е добро и ќе има негативни последици.

„Квалитетот треба да биде пред сѐ, а потоа да се гледа другото. Националноста нема врска со тоа. Треба да се настапи рамноправно и поубаво ќе биде“, рече Бошковски.

Методија Трајковски, пензионер вели дека приватните компании треба да имаат слобода да вработуваат кого сакаат, а не врз основа на националност.

„Кој кого сака ќе прими. Ако се гледа националност, квалитетот ќе биде тргнат на страна, а од тоа ќе имаме само штета“, додава овој човек.

Но, има и такви кои мислат дека оваа мерка нема воопшто да заживее и дека е тотално промашена.

„Тоа е „рекла казала“ муабет, сѐ оди по партиска линија, а процентите можат да ги билдаат кој како сака, но никој не ја кажува вистината цели 30 години. Но, ние сме поделени, и некој друг ни кажува како и што да правиме, а ние слушаме и мораме така да функционираме. Ние не водиме самостојна политика“, рече Душко Костовски, граѓанин.

И кај припадниците на ромската заедница мислењата се поделени. Едни велат дека им треба работа, дека треба и Ромите да се вработуваат, а други дека откако Македонија е самостојна работите се менуваат само на полошо. 

„Ќе биде добро ако ни дадат работа, но ако не ни дадат, што ќе имаме? Ако важи тој закон ќе биде добро. Ние Ромите никаде немаме права“, вели Фетије Зеќировска, граѓанка.

Наџија Демировска, која е невработена е категорична дека мора да се гледа квалитет, и ништо друго. Според неа, за младите, образовани и способни кадри треба да се обезбедат работни места, но спротивно како општество ќе тонеме.

„Квалитетот е секогаш на прво место, а не националност. И кај Ромите има деца кои се образовани. Ако се оди по националност, што ќе биде? Кој има врски, преку ред ќе се вработи, а другите кои се способни ќе избегаат од земјата. Јас тоа не го оправдувам, нема гледање на националност“, рече Демировска.

Министерот за надворешни работи, Бујар Османи пред неколку дена се пофали дека ќе има субвенционирање на правична застапеност во приватни компании. Ова помина на седница на Влада. Јагода Шахпаска, министерката за труд и социјална политика, појасни дека е договорено субвенциите за правична застапеност на вработувањата по етнички критериум во приватните компании всушност да се распределуваат процентуално онолку колку што изнесуваат етничките заедници во земјата. Во оперативниот план за 2021 година на Агенцијата за вработување се предвидени 25 милиони евра за стимулирање на вработувања во приватниот сектор и тие, според она што го вели министерката, треба да се распределат според етничката структура во земјата.

Сања Атанасовска

Можеби ќе ве интересира

НЕПОТИЗАМ, КРОНИЗАМ, КЛИЕНТЕЛИЗАМ, ПАРТИСКА ПОВРЗАНОСТ - во јавниот сектор и лани се вработувале малку „поеднаквите“ од другите

НЕПОТИЗАМ, КРОНИЗАМ, КЛИЕНТЕЛИЗАМ, ПАРТИСКА ПОВРЗАНОСТ - во јавниот сектор и лани се вработувале малку „поеднаквите“ од другите

ЕПИДЕМИОЛОГОТ ДАНИЛОВСКИ: Цитокинската бура е последица од претерана стимулација на имунолошкиот систем

ЕПИДЕМИОЛОГОТ ДАНИЛОВСКИ: Цитокинската бура е последица од претерана стимулација на имунолошкиот систем

Маж си ја убил сопругата во Струга

Маж си ја убил сопругата во Струга

Продолжуваат мерките за ограничување на движењето до 27 април, но предвидени се исклучоци

Продолжуваат мерките за ограничување на движењето до 27 април, но предвидени се исклучоци

ФАКТОР НА ДЕНОТ: Maкедонија ќе набавува вакцини од „Торлак“, Македонците кои се вакцинира, може да се ревакцинираат во Србија

ФАКТОР НА ДЕНОТ: Maкедонија ќе набавува вакцини од „Торлак“, Македонците кои се вакцинира, може да се ревакцинираат во Србија

Охриѓанец дал 4.500 евра на измамници кои го лажеле дека ќе добие наследство од Франција

Охриѓанец дал 4.500 евра на измамници кои го лажеле дека ќе добие наследство од Франција

Бројката на починати од коронавирусот надмина 4.500

Бројката на починати од коронавирусот надмина 4.500

Земјотрес е регистриран во западна Македонија

Земјотрес е регистриран во западна Македонија

Србите во Македонија нема да плаќаат патарини од 15 јуни до 15 август

Србите во Македонија нема да плаќаат патарини од 15 јуни до 15 август