Пред Нова година откази во „Веибо Груп“
Објавено во: Економија 30 Декември, 2016
Турско-кинеската компанија „Веибо Груп“ во слободната зона во Ранковце на 85 вработени деновиве им подели откази.
„Веибо Груп“ и Владата претходно најавија дека инвестицијата ќе чини 400 милиони долари, а ќе обезбеди 5600 нови работни места.
Компанијата лани ја замрзна големата инвестиција која беше најавена. Како причина ја наведоа неможноста за наоѓање на соодветна работна сила за реализација на големите производни таргети за потребите на постојната фабрика во Крива Паланка за задоволување на своите интернационални клиенти, меѓу кои и за „Зара“.
Во фабриката беа вработени 600 лица,а според плановите на инвеститорите од пред повеќе од една година, до јуни годинава требаше да бидат вработени 1000 вработени лица. Вработените добивале за неколку илјади денари пониски плати од она што првично било ветено, а две години по ред не добиле к-15. Морале да потпишат дека се откажуваат од к-15.