ПРИМЕР ЗА ДОЛГОВЕЧНОСТ: Земја од регионот има над 700 стогодишници
Објавено во: Балкан 10 Декември, 2018
Земја од регионот има над 700 жители кои имаат повеќе од 100 години.
Во Босна и Херцеговина живеат 752 луѓе кои имаат сто или повеќе од сто години. Меѓу нив најстариот е 114-годишен жител на градот Сараево.
Најмногу жители на оваа возраст над сто години има во градот Мостар (46). Од нив 13 се мажи, а 33 жени.
Повикувајќи се на податоците од Агенцијата за идентификација на документи, евиденција и размена на податоци во БиХ (IDDEEA), „Кликс.ба“ (Klix.ba) пренесува дека во БиХ има многу повеќе жени кои имаат 100 или повеќе од 100 години.
„Од вкупниот број на стогодишници, 214 се мажи, а дури 538 жени“, изјавиле од Агенцијата.
До пред два месеци, во БиХ живееле 769 луѓе постари од 100 години, и исто така жените кои наполниле сто или повеќе од сто години, биле двојно повеќе од мажите.
Порталот наведува дека најстариот маж во БиХ е роден на 25-ти септември, 1904-та година, и живее во Општина Стар Град Сараево.
На светот сега најстара жителка е 115-годишната Кане Танака. Се смета дека најдолговечната личност на светот досега, била Французинката Жан Калмен, која живеела 122 години и 164 дена.