Приштина подготвува уште три мерки против Србија

Добивај вести на Viber

Koсово најави воведување дополнителни реципрочни мерки за Србија. Велат дека се очекува да биде воведена забрана за влез на возила со српски регистарски таблички затоа што тоа важи и за косовските таблички во Србија.

Друга мерка се однесува на непризнавањето српски документи со оглед на тоа што ниту во Србија не се признаваат косовските документи.

Хаки Шатри, економски советник на премиерот на Косово, Рамуш Харадинај, изјави дека одлуката сè уште не е донесена, но дека се дискутира за тоа. 

„Во прашање се три мерки кои се слични на мерката за таксите од 100 отсто, а кои се однесуваат на признавањето документи, на забраната за влез на возила со таблички на Србија, како и за регистрацијата на странски компании што го снабдуваат Косово од Србија“, додаде тој.

Косовската Влада на 21 ноември воведе нови царини од 100 проценти на производи од Србија и од Босна и Херцеговина, со цел, како што беше објаснето во тоа време, зајакнување на домашното производство, економијата и косовската државност.

Премиерот Рамуш Харадинај најави дека против Србија, освен таксите од 100 отсто на увоз на српската роба ќе преземе и други потешки мерки.