Приведен и радовишанецот кој со БМВ возеше на плоштад
Објавено во: Македонија 03 Јануари, 2021
МВР соопшти дека е приведен 24-годишниот радовишанец Т.К., кој со возило помина низ радовишкото шеталиште и тоа го објави на социјалната мрежа Тик-Ток, земајќи пример од последните два инциденти од скопскиот плоштад.
„Во врска со случајот пренесен преку видео снимка објавена на социјалната мрежа „Тик-Ток”, во која едно лице влегува на плоштадот со своето патничко возило „бмв“, полициски службеници од ОВР Радовиш денеска во 15 часот во полициска станица Радовиш го приведоа Т.К.(24) од Радовиш, кој бил идентификуван како возач на патничкото возило од снимката“, се вели во соопштението.
Радовишанецот на 30 декември околу 22 часот на ул.„22 Октомври“, пред угостителски објект, со своето возило преминал преку површина наменета за пешаци и постапил спротивно на поставен сообраќаен знак.
Полицијата информира дека по документирање на случајот, против него ќе бидат поднесени пријави.