Признание на еден пучист: Не сум предавник!
Објавено во: Балкан 21 Јули, 2016
Како изгледала ноќта на 16 јули во очите на еден турски генерал?
Потполковник Левент Туркан, помошник на шефот на Генералштабот на Турција генерал Хулуси Грини го признал учеството во обидот за преврат и раскажа како бил привлечен во движењето на Фетхулах Гулен.
„Доаѓам од сиромашно семејство. Татко ми беше многу сиромашен земјоделец. Немавме ниви, ниту градини. Мојата прва средба со движењето на Фетхулах Гулен беше во годините на средното училиште. Бев умен и ветувачки ученик" - раскажува Туркан, кој е уапсен под сомнение за врски со организацијата на Гулен.
Да, јас сум член на паралелната структура, јас сум од заедницата на Фетхулах Гулен, признава Туркан.
„Откако бев назначен за помошник во Генералштабот, почнав да ги исполнувам наредбите давани од заедницата" - вели Туркан.
Раскажува дека и претходно учествувал во прислушкување и поставувал уреди за таа намена.
Туркан вели дека разбрал за бомбардирањето на парламентот од телевизијата. Додава дека веднаш потоа почнал да жали дека и цивили се повредени.
„Кога дозна дека грмат бомби и има повредени цивили почнав да жалам. Беше касапница. Сето тоа беше направено од движење, кое сметав дека работи во името на Бог" - вели тој, додавајќи дека не се противел на полицијата кога бил уапсен.
Одговорен сум за овие настани, но не сум предавник. Не сум пукал во полиција или цивили и никогаш не би го сторил тоа, завршува во сведочењето Туркан.