Протоѓер и Јанкулоска во „бомбите“ разговараат за изборите и за А1
Објавено во: Македонија 20 Август, 2018
Обвинетиот Мартин Протоѓер, шеф на кабинет на eкс премиерот, Никола Груевски според „бомбите“ што се слушаа денеска во Кривичниот суд, во телефонски разговор пред парламентарните избори во 2011 година на поранешната министерка за внатрешни работи, Гордана Јанкуловска ѝ одговара како стои ВМРО-ДПМНЕ на теренот.
Јанкулоска вели дека Петар Поп Арсов не е популарен меѓу луѓето.
„Ќе ги згазиме! А ноќта на петти, ќе им се мочам во уста на А1!“- вели Протоѓер.
Анкетите им ги изработува Владимир Божиновски-Влајко, координатор на Центарот за истражување на јавното мислење на Институтот за политички истражувања од Скопје (ИПИС) кој денес се декларира како независен аналитичар. Јанкулоска во разговор вели дека тој имал еден куп нарачки, цел штаб на ВМРО-ДПМНЕ му бил на грб. Но, и дека ветил дека на толку работа, ќе ја повтори ако треба анкетата за четвртата изборна единица, каде што од необјаснети причини паѓал рејтингот на ВМРО-ДПМНЕ непосредно пред изборите.
Ново рочиште за „Титаник“ е закажано за 12 септември.