ПРВ ДОЈДЕН, ПРВ УСЛУЖЕН: државни субвенции за занаетчиите до 1.000 евра
Објавено во: Економија 09 Ноември, 2020
Министерството за економија објави Јавен повик за кофинансирање на трошоци за занаетчиите, соопштија од ресорот на министерот Крешник Бектеши.
Предмет на јавниот повик е кофинансирање на трошоци на занаетчии и вршители на занаетчиска дејност, државјани на Република Македонија, преку кофинансирање до 60 отсто од докажаните трошоци, но не повеќе од 60.000 денари направени за набавка на алати и репроматеријали.
„Согласно Програмата за конкурентност, иновации и претприемништво на Министерството за економија, за оваа мерка предвидени се средства во вкупен износ од 20.000.000 денари. Согласно јавниот повик, со оваа мерка ќе бидат кофинансирани докажаните трошоци за набавки направени во 2020 година“, велат од Министерството за економија.
Право на учество на овој Јавен повик имаат занаетчии и вршители на занаетчиска дејност кои се регистрирани согласно Законот за занаетчиство и ги исполнуваат следните услови: да имаат деловно седиште на територијата на земјава, да имаат најмногу 5 (пет) вработени на неопределено работно време, да имаат намирени обврски кон државата и вработените.
Еден апликант може да користи субвенција само еднаш по овој јавен повик.
Разгледувањето и изборот на апликантите кои ги исполнуваат условите утврдени во Јавниот повик, ќе се прави по принципот “Прв дојден, прв услужен“ односно по редослед на поднесување и пристигнување на апликациите во архивата на Министерството, сѐ до исцрпување на предвидените средства.
Крајниот рок за аплицирање по овој јавен повик е до 27.11.2020 година, до 14:00 часот.
Детали за јавниот повик и начинот на аплицирање може да најдете на веб-страната на Министерството за економија: http://www.economy.gov.mk/doc/2856 .
Можеби ќе ве интересира
ПАДНА СПОГОДБА - Џонсон и Џонсон ќе плати 6,475 милијарди долари по многубројните тужби за добиен рак од нивната пудра
„ПЛАТАТА НА КЕЛНЕРИТЕ ВО ХРВАТСКА 1.200 ЕВРА, ВО АВСТРИЈА 3.000 ЕВРА“: ќе работат само луѓе од трети земји
„Да се напушти вештачкото надувување на капиталните инвестиции“: еве што велат економистите за изборните ветувања на партиите
ПОРАДИ КЛИМАТСКИТЕ ПРОМЕНИ: Колку маслиново масло произведува Шпанија?
СИНОТ НА СВЕТОЗАР, ЈАНЕ ЈАНЕВСКИ, СТАНУВА ПРЕТСЕДАТЕЛ НА УО НА „АУТОМАКЕДОНИЈА“ - и оттаму заминува Џон Илија Јоновски
НОВА ИНИЦИЈАТИВА ДО УСТАВЕН СУД ЗА УКИНУВАЊЕ НА ЧЛЕН 368 ОД ЗАКОНОТ ЗА ОБЛИГАЦИОНИ ОДНОСИ - тој е негативен за приватниот сектор
КОЛКУ ДИВИДЕНДА ЌЕ ДОБИЕ СИМОН, А КОЛКУ САШО НАУМОСКИ - прилепска „Витаминка“ го објави планот, еве ги деталите
ЦРН ДЕН ЗА ГЕРМАНСКАТА ЕКОНОМИЈА: Гигантот го прекина производството по 30 години - позната компанија ја изгуби трката со кинеска фирма
АСО ја охрабрува Владата за измени на Тарифникот за авто-осигурување
