„ПУТИН ЌЕ НÈ НАПАДЕ“- Земја- членка на НАТО во страв

Добивај вести на Viber

Две третини од населението на оваа земја верува дека Русија би можела да ги нападне. Очекуваат помош од НАТО.

Испораката на природен гас од Русија за Бугарија беше прекината на крајот на април поради, како што соопшти руски Гаспром, одбивањето да го платат гасот во рубљи. Според извештаите што пристигнаа од Бугарија во тоа време, се чинеше дека земјата ја прифати веста полесно отколку што се мислеше. Но, според многу оценки, Бугарија има повеќе стравови од Русија отколку за недостиг на природен гас.

Според неодамнешните анкети, две третини од Бугарите стравуваат дека Москва ќе пријави ракетен или бомбашки напад врз објекти во Бугарија, додека повеќе од половина стравуваат дека Русија може да ја окупира нивната земја. Тројца од четворица Бугари се плашат од употреба на нуклеарно оружје, покажува истражувањето спроведено од агенцијата ESTAT на Фондацијата за граѓански иницијативи. 54 отсто од испитаниците стравуваат дека Русија би можела да ја окупира Бугарија, а 62 отсто стравуваат дека би можела да изврши ракетни или бомбашки напади на нејзина територија.

Тоа би можело да биде објаснувањето зошто таа земја не е за поостра политика кон Москва и зошто општеството се обидува да има понеутрален однос кон војната во Украина, пишува Еурактив.

Русите преместуваат нуклеарно оружје

Половина од анкетираните изјавиле дека очекуваат НАТО да и помогне на Бугарија во случај на напад, но само 41 отсто го поддржаа членството на Бугарија во воената алијанса, додека третина се против. Истражувањето покажува и дека само 10% од Бугарите ја знаат историјата на бугарско-руските односи, додека 80% не се сигурни во нивното знаење, што создава основа за руска пропаганда и искривување на историските факти.

Бугарската држава е создадена по Руско-турската војна од 1877-1878 година, но властите во Софија и по војната останале вазали на османлискиот султан, за да прогласат независност на почетокот на 20 век.

Мнозинството Бугари (61%) не знаат дека Русија се противела на обединувањето на бугарските територии во 1885 година, а 42% се убедени дека СССР не и објавил војна на Бугарија во Втората светска војна.

ДАЛИ Е СТРАВОТ ОПРАВДАН?

Воената моќ на Бугарија никако не може да се спореди со руската. Станува збор за земја која според веб-страницата Globalfirepower има 11 борбени авиони наспроти 772 колку што има Владимир Путин. Да не зборуваме за тенковите кои Бугарија ги има нешто повеќе од 400 додека Русите се трети во светот во оваа категорија – Москва има повеќе од 12.000.