Путин: На Русија и нема рамни за многу системи на вооружување
Објавено во: Свет 31 Јануари, 2018
Рускиот претседател Владимир Путин ја пофали моќта на руската армија која даде значаен придонес во нанесувањето на конечниот пораз на терористичките групи кои предизвикаа тешки злосторства во Сирија. Токму на конференцијата за мир во Сирија организирана од руската држава во Сочи каде не присуствуваа бунтовничките групи насочени против Башр ал Асад, рускиот претседател ги упати сите пофалби за моќната руска армија која според него и нема рамни.
Освен тоа, операцијата ја покажала „традиционалната сигурност и ефективност на руското оружје“.
- Во голем број системи за вооружување Русија нема рамни на себе, но за да се задржи светското лидерство во сферата на вооружувањето треба постојано и напорно да се работи, да сме чекор напред, а не да храниме илузии, истакна Путин.
Тој цитираше податоци на Министерството за одбрана, според кои во Сирија биле користени „215 современи и перспективни видови оружје“ кои генерално ги потврдиле нивните „високи функции“.
Путин истакна дека со позитивни резултати бил и првиот обид за примена во борба на прецизно оружје со голем дострел со воздушна и морска база. Тој прецизира дека главно се работи за ракетите „Калибар“ и помалку познатите ракети „Х-101“ (се изговара Ха-101). Путин, исто така, потсети и за дебито во воени услови на авионите од руската стратешка авијација.