„Рајанер“ со нова шокантна одлука: Половина милион патници остануваат без лет
Објавено во: Свет 28 Септември, 2017
Нискобуџетната авио-компанија Рајанер објави дека откажува дополнителни 18 000 летови од ноември до март, со што се погодени речиси половина милион патници.
Оваа зима ќе бидат суспендирани летовите на 34 рути, а на патниците им е понудена рефундација или обезбедување на алтернативни летови.
Рајанер тој потег го опишува како „забавување на растот“, наведувајќи дека сообраќајот ќе го извршуваат 25 авиони помалку во флота која брои 400 летала.
Патниците на кои им влијаеле суспендираните рути исто така ќе добијат ваучер од 40 евра кој ќе им овозможи во текот на октомври да резервираат било кој лет од октомври до март следната година.
Рајанер претходно беше приморан да откаже повеќе од 1 600 летови од 19 септември до 28 октомври со образложение дека се измешани распоредите за одмор на пилотите.