Вакцината меѓу првите ја прими токму Рама и кажа дека му е забрането да открие кој е донаторот на првите вакцини доставени до Албанија.
Главната кампања за вакцинирање во земјата ќе следната недела. Тој сепак се пожали дека ЕУ го запоставила регионот околу прашањето за дистрибуирање на вакцините.
„Се покажа дека стратегијата и насоката кои ЕУ ги постави за инвестирање во програмата Ковакс се неодредени во времето. Ако го чекавме Ковакс, и понатаму ќе чекавме и никој не знае колку ќе трае тоа“, беше критичен Рама.
Првите 10.000 нарачани дози по транспарентен пат од Фајзер треба да стигнат следната недела во Албанија.
Според министерката за здравство на Албанија, Огерта Манастирлиу, првиот ден поминал во најдобар ред, со вакцинирање на 50 лекари и медицински сестри од Инфективната болница „Шефќет Ндроќи“.
- Денес продолжуваме во Центарот за имунизација на стадионот „Ер Албанија“, на епидемиолози, лекари и медицински сестри од првата линија на фронтот со невидливиот непријател, рече таа.
Сите лица кои биле вакцинирани, имаат пополнето образец со детални информации за нивниот здравствен статус.
