Расте бројот на исчезнати предмети од Музејот на Македонија – не се знае ни кога, ни како се украдени!

Добивај вести на Viber

Расте бројот на исчезнати предмети од депото на Музејот на Македонија. Според последните податоци недостигаат уште 20-тина предмети со што вкупната бројка порасна до 80 украдени предмети. Зголмувањето на бројот на украдени парчиња го потврдија од полицијата, откако тројца од кустосите пријавиле дека и од нивните збирки недостигаат вредни артефакти. Случајот се повеќе се заплеткува, истрагата тече, а од полицијата сеуште немаат информации кога се случила кражбата која случајно беше откриена и зема загрижувачки размери. Минатата седмица кражбата беше пријавена од двајца кустоси на Музејот кои увиделе дека им нема предмети во збирките за кои биле одговорни. Според досегашните информации нема потврда за насилно влегување во Музејот, но беше потврдено дека Агенција за обезбедување го чувала депото, а Музејот се снима со камери 24 часа. Украдените предмети имаат непроценилива вредност, а станува абор за златни и сребрени обетки, прстени и копчиња и други предмети. Сите овие предметите биле чувани во кутии, бидејќи требало да се преселат во новиот Археолошки музеј. Сите вработени се испитуваат од полицијата, но приведени нема.