Reckitt Benckiser ќе ја купи Mead Johnson за 16,6 милијарди долари
Објавено во: Економија 11 Февруари, 2017
Британската компанија за производи за широка потрошувачка, Reckitt Benckiser Group постигна договор за купување на Mead Johnson Nutrition за 16.6 милијарди долари. Во соопштението објавено денеска, Reckitt Benckiser соопшти дека ќе плати по 90 долари по акција за американската компанија за бебешка храна.
Ова е истата цена, која компанијата ја прикажува на почетокот на месецот, кога објави дека води напредни преговори со раководството на Mead Johnson, забележува Bloomberg.
Договорот ќе овозможи на британската компанија за првпат да влезе на пазарот на храна за бебиња.
Соопштението беше дополнето со финансиските извештаи на Reckitt Benckiser за четвртиот квартал, кој покажа дека растот во однос на продажбата на компанијата се забавува, поради тешките услови во Европа и новите пазари, како Бразил.
Во посочениот период продажбата од постоечките објекти на компанијата се зголемила за 1%, што е под очекувањата на аналитичарите за раст од 1,7%. Во прилог, Reckitt Benckiser прогнозира раст од 3% за оваа година, при очекувања за 4.2-процентно зголемување, забележува Bloomberg.
„Очекуваме макроекономските услови да останат тешки во 2017 година и одреден број постоечки предизвици да се задржат во првата половина на годината"- рече извршниот директор на компанијата, Ракеш Капур во соопштението.
Во оваа ситуација стекнувањето на Mead Johnson може да се покаже како стекнување на потребниот катализатор за подобрување на растот во продажбата. Зделката ќе додаде нови производи кон портфолиото на Reckitt Benckiser, вклучувајќи ја и популарната бебешка формула Enfamil.
Со своите 10% удел на пазарот Mead Johnson го зазема третото место на светскиот пазар за бебешка храна - по Nestle и Danone. Компанијата сепак отстапува само на Nestle во регионот на Азија, кој претставува најголем дел од пазарот.
Reckitt Benckiser очекува да заштеди трошоци во износ од 250 милиони долари до три години по финализирањето на зделката. Покрај тоа, компанијата смета дека договорот ќе има позитивен ефект врз профитот за акции.
Можеби ќе ве интересира
ПАДНА СПОГОДБА - Џонсон и Џонсон ќе плати 6,475 милијарди долари по многубројните тужби за добиен рак од нивната пудра
„ПЛАТАТА НА КЕЛНЕРИТЕ ВО ХРВАТСКА 1.200 ЕВРА, ВО АВСТРИЈА 3.000 ЕВРА“: ќе работат само луѓе од трети земји
„Да се напушти вештачкото надувување на капиталните инвестиции“: еве што велат економистите за изборните ветувања на партиите
ПОРАДИ КЛИМАТСКИТЕ ПРОМЕНИ: Колку маслиново масло произведува Шпанија?
СИНОТ НА СВЕТОЗАР, ЈАНЕ ЈАНЕВСКИ, СТАНУВА ПРЕТСЕДАТЕЛ НА УО НА „АУТОМАКЕДОНИЈА“ - и оттаму заминува Џон Илија Јоновски
НОВА ИНИЦИЈАТИВА ДО УСТАВЕН СУД ЗА УКИНУВАЊЕ НА ЧЛЕН 368 ОД ЗАКОНОТ ЗА ОБЛИГАЦИОНИ ОДНОСИ - тој е негативен за приватниот сектор
КОЛКУ ДИВИДЕНДА ЌЕ ДОБИЕ СИМОН, А КОЛКУ САШО НАУМОСКИ - прилепска „Витаминка“ го објави планот, еве ги деталите
ЦРН ДЕН ЗА ГЕРМАНСКАТА ЕКОНОМИЈА: Гигантот го прекина производството по 30 години - позната компанија ја изгуби трката со кинеска фирма
АСО ја охрабрува Владата за измени на Тарифникот за авто-осигурување
