Реформите во Грција: Вистински пат или пат кон разурнувањето?

Добивај вести на Viber

Грција  претстави подобрена листа со предлози за реформи, но нејзината нова влада не размислува да попушти. Не се исчезнати и стравувањата дека земјата може да ja напушти еврозоната, пишува во својата анализа CNBC. Содржината на листата со реформите, која беше објавена од грчкиот печат, вклучува собирање на дополнителни 4,7 - 6,1 милијарди евра владини приходи. Ова претставува "јасен чекор во вистинската насока", според економистите во Barclays Capital. Тоа значи дека во реалноста грчката влада направила некои отстапки пред европските органи во тековниот спор околу мерките за штедење наметнати како дел од спасувачкиот план на земјата. Грција избра нова влада во јануари, раководена од екстремната партија СИРИЗА, која вети дека ќе стави крај на мерките за штедење. Ова сериозно го промени тонот на преговорите со меѓународните кредитори и предизвика загриженост дека може да доведе до банкрот на земјата и излегување од еврозоната. Сигурно е дека Грција се уште има потреба од надворешна финансиска поддршка, особено од 7,2-милијарди евра спасувачки средства на кои Атина се надева. До денес Грција добила два спасувачки пакети во вкупна вредност од 240 милијарди евра. Нејзините кредитори продолжуваат да вршат притисок врз грчките политичари, за да биде постигнат компромис. Во средата, Европската централна банка ја зголеми итната ликвидност на Грција со скромните 700 милиони евра до 71,8 милијарди евра. Стратези од Rabobank тврдат дека тоа е продолжување на "стратегија, во која можноста на Грција во однос на ликвидноста е строго ограничена". Атина ги намали трошоците на владата, но земјата, исто така е погодена од паѓање на даночни приходи. Тоа значи дека владините податоци за дефицитот се полоши од поставените цели и дефицитот продолжува да расте кон крајот на февруари. Другите земји од периферијата на еврозоната, кои беа спасени за време на кредитната криза, се во различни фази на закрепнување, но Грција значително заостанува. Буџетската консолидација на Грција се распаѓа ", вели Џесика Хиндс, европски економист во Capital Economics. Грција треба да отплати 460 милиони евра на Меѓународниот монетарен фонд на 9 април. Има и стравувања дека новите грчки плановите се премногу оптимистички за тоа како ефикасно може да биде спроведено искуството на измама и даночно затајување. К.К.