Рекордни 3 милиони денари отпатуваа во Делчево

Добивај вести на Viber

88 коло на НОВОЛОТО 7/34, емитувано на 02.11.13, ја донесе премијата Џокер со 6 погодоци, вредна рекордни 3.003.077 денари. Дамата која ја направила уплатата, со што стана стана член на нашето среќно семејство добитници, е Атанасовска Катерина од Делчево. Катерина е редовен играч на игрите на среќа на Државна лотарија на Македонија, а својата уплата ја направила во продажното место Вера НБ во Делчево на 01.11.2013, пред да замине на работа, без поголеми очекувања. Уплатила две комбинации на Новолото и една комбинација Новолото Џокер за вкупен износ од 50 денари. Само за потсетување, Делчево се покажа како место каде играчите имаат најголем потенцијал за ловење на оваа премија. Претходно, во 18 коло го имавме добитникот на поединечната добивка Новолото Џокер, премија која тогаш беше вредна 600.000 денари. Вечерашното издание на 91 коло од НОВОЛОТО повторно ќе ги радува сите кои ќе се обидат да ја измерат среќата во нивниот избор на бројки. Само за потсетување дека и фондот за 7ка продолжува да расте, сега е фантастични 13.380.000 денари.